张振朗横店返港贴地坐巴士 竟被指同女友打对台？
艺人张振朗早前跟王祖蓝北上开工，近日终于由横店返港，回港后佢暂时未安排入剧组，可以放假休息享受慢活，最爱揸电单车嘅佢呢日未有出车，反而低调坐巴士放空，佢喺社交网大晒搭巴士嘅影片。
他又表示曾期待巴士上嘅偶遇：“情窦初开的你，一定有幻想过，究竟一阵间坐喺隔篱嘅系个点样嘅人。斯斯文文嘅？孝顺父母嘅？贤良淑德既？当然啦，最后通常都系个男人坐埋嚟。”佢仲透露入行前系搭巴士返工，相当贴地，不过网民就错重点，提起其女友杨偲泳近日为港铁拍广告“一脱成名”，笑指佢竟然搭巴士唔搭港铁，同女友“打对台”！
