炎明熹相隔2年返家乡 跟嫲嫲学整家乡小食享天伦
“声梦小花”炎明熹（Gigi）近日于内地录影节目《声生不息》，不但带挈人气再升，更令有佢有机会回汕尾家乡探亲，相隔两年再同家人团聚。
TVB节目《东张西望》直击Gigi回乡之旅，见Gigi妈妈同细妹一早准备好迎接，而Gigi一落车就同妈妈拥抱，返到屋企之后，Gigi仲第一时间拎出喺比赛《声梦传奇》赢得嘅冠军奖座畀家人睇，Gi妈见到宝贝女努力嘅成果，即忍唔住激动爆喊：“你真的付出了很多很多，真的很不容易，我知道特别特别不容易。”搞到Gigi同嫲嫲都喜极而泣，场面感动！及后Gigi孖住嫲嫲下厨，齐齐炮制家嫏小食，相当温馨。
另外，Gigi昨晚（21日）喺社交网大晒新相，见佢揸住衣架拍照大摆甫士，尽显搞怪童趣一面，获网民大赞有做Model嘅天分。
