采访遇袭唔接危险Job？利颖怡：返《东张》冇得拣！
艺人利颖怡（Joan）和古天祥今日（22日）出席捐血活动作慈善大使。因主持《东张西望》为人熟悉的Joan，早前因追访美孚老鼠屋业主受到袭击，最后更需要报警处理，问到遇袭事件后现时心情，她说：“的确有影响同压力嘅，不过依家好番啲开始积极面对，重拾工作拍剧同继续做《东张》。（返《东张》会唔会拣冇咁危险工作？）大家都系平均分法，冇特别拣。”
她指每个人都有脆弱时候，都要积极面对，事发后有很多朋友找她倾谈，亦有看书及听歌等去纾缓心情，公司亦有给予时间她休息，问到家人有否担心而要求她不要再做《东张》，她说：“我一切嘅决定佢哋都会支持我嘅，其实所有声音同意见我都有睇，都会做啲调节，冇一个人系完美，我都想继续进步，多谢大家嘅支持或意见。”
刚完成拍摄剧集《隐门》及《破毒强人》的她，表示正筹备网上健康食品生意，亦会演出舞台剧。
古天祥带同太太及2岁半精灵儿子出席活动，他笑称：“我个仔系破坏王，近来我一直做紧金属雕刻，早两日个仔走入我房整烂咗个护目镜，搞到我要停工。（有冇嬲？）冇呀，佢整咗个好无辜嘅样出嚟，所以算啦，系佢绝招嚟。（唔舍得打啦？）系唔舍得，不过都打过，每次佢做啲危险嘢，会轻轻力打佢，唔系嬲嘅，主要系令佢知道做呢啲事情系唔啱，要打打。”
他指疫情及经济环境确有阻碍他再添孩子念头，不过一切顺其自然：“我依家啱啱开始金属雕刻事业，完成咗香港唯一一幅嘅金属雕刻画，用咗200个钟完成，世界上都好少，喺铜锣湾展览紧，暂时叫价到8万2千蚊左右。”他指未必会开实体店，但会努力向此方面发展，会继续造多点作品，笑称收入稳定后就可以生多个：“好多谢太太都好帮我，负责照顾BB，因为做艺术真系要放低好多嘢。”
