孙慧雪街坊素颜Look曝光 自认搞化妆搵食
艺人孙慧雪虽然已经39岁，但依然Keep得好好。寻日（30日）佢就夹起前阴、自贴素颜相，露出佢嘅“真面目”！佢仲喺贴文写到：“其实我平时同社交媒体见到嘅我系完全两个人，我唔化妆、孭背囊、踢拖、头发蓬松，可能你喺街唔会认得我，但如果你认得，唔需要惊讶：‘哗！争咁远嘅！’化妆嗰个我只系搵食啫！唔化妆嗰个我系真实生活。啱啱忙完一个早上，送完小朋友返学，依家去做运动啦。”而网民都话争啲认唔到佢，不过就赞佢素颜Look好青春，成个中学生咁，仲话佢呢个样亲民好多呀！
