星岛网：周志康26岁做“嫩爸”家中有三条Queen 老婆曾认错阿哥係自己
32歳的周志文和周志康是孖生兄弟，2009年一齐参加第一届《超级巨声》，或许至今仍有好多人唔认得“边个大孖？边个细孖？”在昨晚（5日）播出的《日日妈妈声》，细孖周志康就自爆连老婆都曾经认错两兄弟，他说：“因为佢唔知我係孖生，嗰时佢第一次上我屋企，我咁啱整紧嘢、我阿哥去开门，佢就奇怪点解呢个人咁熟悉又咁陌生嘅。”反而两名女儿就未有捞乱他和哥哥志文。
阿康在25岁成家立室，26岁就当“嫩爸”，现已有7岁大女Emma，和3岁细女Elva。被指是“佛系爸爸”的阿康，笑言一早已打算早婚并对婚姻充满期盼：“我係孻仔吖嘛，我由细到大都好想有人畀我照顾，咁我依家屋企有三个Queen畀我照顾。我最纵两个女嗰个，亦係最恶嗰个。”
细述囡囡“胎前记忆”
另一嘉宾关心妍就透露婚后等足7年才怀有囡囡杨荣心（心心），并分享了囡囡的神奇“胎前记忆”，并坦言一度被冧至爆喊：“唔知真定假㗎，佢（囡囡）讲㗎啫，但我做妈咪听到係冧到不得了。大家知我等咗佢七年，我每晚都会陪佢瞓嘅，嗰日我忍唔住多谢佢嚟到呢个世界上、又话我真係好锺意佢，点知佢无啦啦弹咗句：‘我都等咗你好耐啦，我喺旧云上面等你，Jesus喺嗰度畀我拣（妈咪）。’（你点知係我？）你粉红色头髮架嘛。’咁嗰时我演唱会嘅髮型真係粉红色头髮嘅…嗰晚我叫完阿囡瞓，就衝出去搵老公爆喊，好感动！亦都想鼓励番妈妈们，你等紧佢（BB）之馀，其实佢都等紧你。”
