明报OL：林奕匡做茶记侍应体验另类人生 中文唔灵光落单有难度
唱作歌手林奕匡（Phil）近日在全新节目《平行宇宙的林奕匡》中，挑战“另类人生”，走入茶餐厅做侍应。
揸笔写音符谱曲当然难不倒Phil，但说到底他在加拿大长大，平日写中文也“窄窄哋”，更何况走入讲效率、讲速度的茶记？但Phil相当信心，更自认是“骨灰级”玩家，他说：“因为屋企人开餐馆，我6岁开始喺餐馆长大，做侍应做咗10年有多，同客人倾偈、招呼佢哋、执枱、落单，所有嘢都做过无数次，只不过以前用英文做。”
讲到今次的体验，Phil坦言：“好似放低自己，係另一个身分，我係另一个人。”Phil续说：“嗰阵时做餐馆好忙，我哋一脚踢，各自帮对方，跑嚟跑去，最紧要客人开心，真係好多童年回忆！同客人接触时，好似几过瘾，啲Memories都返番嚟。相信成为一个侍应，你自己开心，会影响到客人；客人食得开心，佢哋再嚟，亦都可能会打赏多啲！”
今次选址新派怀旧冰厅，首日上班的Phil充满期待，而且负责人一早给餐牌Phil睇，“见工”时Phil对答如流，对侍应工作满有信心，但一讲到落单，Phil吞吐表示：“我中文唔係几好。”幸好负责人十分体谅，叫Phil用自己方法落单就OK！
Phil获派的首个任务，就是到厨房心脏地带之一的甜品部厨房，制作招牌甜品，他在专业甜品师的指导下，成功捏出蛋挞皮，似模似样，获对方大讚之馀，更通过测验。
Phil坦言：“做厨房本身唔容易，但有一种一条Team嘅精神，做饮食时客人食得唔开心，係最唔爽嘅，希望每个客人都食得开心同Enjoy。”
对于“挞皮Battle”，Phil笑言：“有啲生疏，但喺厨房做嘢係有啲开心，一齐去做一件事、一齐去准备一啲食物，做起畀客人食，虽然我未做到，但感觉到佢哋有一种好团结嘅感觉，好似一家人咁，有啲爽嘅！”
