明报OL：陈贝儿忆小时候与梅艳芳张国荣红馆后台相处点滴
陈贝儿的父亲是著名音乐会监制陈永镐，她自小已与红星为伴，经常在红馆“放暑假”。她接受港台《旧日的足迹》访问时回忆小时候常在红馆后台做暑期作业︰“我觉得天王巨星好亲切，佢哋喺台上发光发亮，台下就好似大哥哥大姐姐。梅姐（梅艳芳）最锺意带我入佢嘅化妆室，帮我戴上佢啲头饰，嗰啲森巴舞嘅头饰好靓。谭咏麟请我食好多嘢，而哥哥张国荣就最锺意拖住我哋去食宵夜。不过，我从来冇谂过要去红馆开骚做歌手，有人想提名我参选香港小姐，但我最有兴趣嘅都係做司仪。入行之后我未做过香港小姐司仪，但做过香港先生司仪，嗰次我同Do姐（郑裕玲）、杨千嬅合作，见到好多型男仲开心。”
陈贝儿曾与汪明荃（阿姐）、郑裕玲多次合作，最欣赏两位前辈非常认真专业，从她们身上学到很多。“佢哋做咗咁耐，瞌埋眼都知道点做，但係佢哋嗰份热情同投入就好似初入行一样。佢哋会将台词背到滚瓜烂熟，连我嗰份都背埋，根本唔使要稿；台前嘅形象更係声色艺俱全，连指甲油都要衬晒套衫，呢样我真係学到嘢。佢哋屹立不倒咁多年，我真係由衷佩服。”
陈贝儿指阿姐很疼她，因为录影厂特别冷，做司仪穿的晚装又单薄，阿姐常提醒她要贴暖包以免着凉，还细心地教她贴在最适当位置，既保暖又纤巧不显眼。她坦言好喜欢阿姐，而且愈来愈喜欢！陈贝儿也敬佩Do姐工作认真，笑指会请教对方养生之道，因为Do姐生活有规律，常处于巅峰状态。
对于因拍摄纪录片获得不同奖项，陈贝儿感恩获此宝贵机会，让她经常飞往异地开阔眼界，更自觉是个幸运女孩。她坦言工作非常辛苦，被问及会否渴望遇上心仪男子时说：“真係要随缘，我都相信缘分。依家我好积极咁去面对眼前嘅工作同生活，珍惜身边所有屋企人、朋友，其实最重要嘅就係开心自在。”
