星岛网：独家丨敖嘉年主持《凝聚香港》唔怕被恐吓靠同行畀面游走几个电视台
敖嘉年近日为港台主持直播节目《凝聚香港》，相隔26年再返娘家，也是他继入行第一个电视节目TVB《城巿追击》后，再参与同类型时事直播式节目，令他回想起初入行的日子。虽然主持类型《东张西望》节目，但他唔担心会收「奸斩令」等恐吓，又认为疫境下靠同行畀面，才能游走几个电视台工作觉得好感恩。采访：杜杜摄影：朱伟彦 发型：Philip Lee@HAiR化妆：Rigel Ng@Rigel’s Beauty Arts
嘉年1996年参加香港电台DJ训练班入行，比起加入TVB更早，严格来说港台才是他娘家，不过是第一次跟电视部合作。再主持跟《城巿追击》同类型节目，令他的回忆返晒嚟，「嗰时入行做《城巿追击》外景主持，成日望住个厂有Do姐（郑裕玲）同沾叔（黄霑）喺度背稿，觉得渠哋好叻，沾淑好鬼马，Do姐仲教我读Live VO，嗰时谂如果有一日好似渠哋咁，坐喺厂做主持几好。」
做直播主持学识执生
多年后终于梦想成真的嘉年，首做直播节目坦承相当紧张，幸好有一班前主播拍档睇住，「全部都系第一次合作，同我睇电视渠哋报天气、新闻冇唔同，开心跟渠哋学嘢，哈哈！」主持了近两个月，令嘉年学到最紧要识得执生，特别是访问嘉宾时，不能控制对方答问题长短，作为主持要识得拿捏时间。
提到早前同类节目《东张西望》女主持收到「奸斩令」恐吓，嘉年就认为《凝聚香港》内容鲜有爆料新闻，所以不太担心，「我哋个节目唔系讲紧嗰啲嘢，系讲啲民生嘢，唔好打我呀大佬，哈哈！」
不过他承认当年主持《城巿追击》时，都有类似事件，「试过打嚟化妆间闹又恐吓，可能嗰时节目真系几出色，有啲人唔钟意咪打嚟闹啰！但过后都冇事。」讲到他近年可以游走几个电视台工作，他认为自己冇特别能耐全靠同行畀面，「啲朋友真系关照，都冇谂过可以游走几个电视台，真系福气嚟，自己真系冇咩特别能力，所以一有工作会好珍惜，好感恩仲有工作，几辛苦都做。」
