星岛网：汤怡麦秋成婚姻保鲜有妙法 撇低爱女情侣装staycation好甜蜜
汤怡（Kathy）与麦秋成去年初奉子成婚，囡囡麦QQ（麦紫乔）于6月出世，转眼间已经一岁3个月大，一家3口相当幸福，两公婆甚至玩情侣装放闪，真系Sweet到爆。今日有人目击汤怡与麦秋成带住大量行李，入住西贡WM酒店staycation，但未见爱女麦QQ同行，估计两公婆系叹二人世界，适逄麦秋成喺今个月18号牛一，汤怡为老公提前庆生，睇嚟两公婆婚姻「保鲜」有秘决，最紧要系玩情趣。
据目击者透露，汤怡系幸福人妻畀老公锡到燶，身穿黑色背心裙踼拖慨汤怡，衬埋老公黑色背心及短裤，好有渡假feel。抵达后老公主动去车尾厢拎行李，就算「升呢」做咗「索妈」慨汤怡仍然enjoy做「港女」，企埋一边玩手机。
