星岛网：方力申唔争气老窦周街搵未来新抱 同陈滢主动加咀戏惨被叶念琛Cut晒
7年冇拍剧的方力申，今年拍了两套剧包括老友叶念琛的作品《美丽战场》，更跟绯闻女友陈滢首度合作，他承认同女方好熟，扮夫妻更有默契，甚至大贪到自动加咀戏搞到叶导嗌停。另外，42岁玩了一年交友App依然食白果的小方，自爆父母超心急饮新抱茶，方爸爸更紧张到主动为阿仔搵女友，举动吓亲全家相当爆笑。
采访：杜杜摄影：朱伟彦发型：Kin Tam@ ILCoplo化妆：Yen Lai服装：5cm
叶导之前接受《头条日报》访问提到，搵小方拍剧全因对方近年太少演戏，仲笑问他「系咪退咗休？」，小方承认疫情搞到演戏机会大减，「我都问自己，点解冇人搵我拍戏慨？冇理由㗎！我曾经都系二千万票房《纪念日》慨男主角，唔通我得罪人？疫情系最大关键，剧组又少咗好多，香港或内地度度都封，做戏、登台唱歌都有好大影响。」
拍激咀戏似打烂仔交
叶导钦点小方拍《美丽战场》，后者的第一个反应，是因为他跟陈滢的绯闻，「渠净系话第一次嚟TVB拍剧，一定要我，但我开头好衰咁话，『你搵我都系因为我同陈滢传过绯闻』，渠都闹咗我一轮！哈哈！」小方再投诉听足叶导指示为扮富家子「庞振宇」做准备，专登减肥、唔健身、唔晒太阳，希望睇落白净瘦削啲，点知反被叶导闹，「渠又要我哋减肥，但每日又外卖又宵夜，我真系唔食㗎！嗰班女仔一啲自控能力都冇系咁食，我坐喺度就唔食，但系换嚟导演闹我，『你减肥唔食嘢就做唔到我要慨感觉，因为你肚饿』。」
讲到跟朱晨丽的激咀戏，小方表示拍摄时冇感觉，「拍慨时候好快，成场戏十五分钟之内拍完，好短，大家见到就系咁多，呢啲戏其实好似动作戏咁，因为大家都唔知做咗啲咩，好似打烂仔交咁。」
至于同绯闻女友陈滢合作，小方承认沟通可以好直接，仲自爆两人主动加咗咀戏，「我要爆吓料，但系可能会畀人闹，我哋好熟做戏就好直接冇所谓，有啲戏我哋会蜻蜓点水咁锡。但系有一场讲我放工返嚟，好自然咁就锡咗一啖，第一个take OK，第二个take都系咁做，到第三个take导演话其实呢场唔需要锡㗎喎！后尾就cut咗。」
剧情虽然讲晒小方同陈滢由认识到离婚，但两人依然觉得对手戏太少，「我就真系觉得唔系好够，渠都有讲过，嗰时大家坐埋一齐无聊倾偈，讲到再拍多套会拣边个女主角，我话拣陈滢啦，因为呢套未够呀！」
择偶要合眼缘脾气好
单身5年的小方仲有玩交友Apps，仲大呻玩咗一年完全识唔到女仔，「梗系搵唔到啦！我边敢，都系得个讲字之嘛！讲过五句嘢都唔多过五个人，我add咗几个朋友，渠哋话唔好嘥渠quota，我当见吓陌生人咁样咋！男人有时都会弹出嚟，我好嬲呀，我明明拣女仔但有男仔弹出嚟，好彩几靓仔，我有啲朋友拍紧拖，都系因为我叫渠玩咋！」
不过小方强调唔恨拍拖同结婚，「我真系唔需要拍拖㗎！睇我咁多年冇拍拖，我唔系一个咁需要谈恋爱慨人嚟，我好忙好多朋友，成日全男班好dry。」
42岁的小方承认父母有催婚，早前上节目见到苏民峰，方妈妈之后即追问他，「『渠有冇讲你几时有姻缘、桃花，几时会结婚？』渠几紧张呀！但我话唔记得咗咯！」而方爸爸更加主动出击周街搵未来新抱，「之前搭地铁见到个女仔让座畀我Daddy，嗰时仲未要戴口罩，渠有甜美慨笑容，Daddy话好想同渠讲『我系方力申老窦，不如交换电话』哈哈！朝早去食早餐，见到啲好照顾老人家慨职员，渠都想问对方有冇男朋友想介绍畀我识，但畀我阿妈㩒住咗，怕对方以为系Daddy想识。」
小方话拣对象冇特定标准，合眼缘兼脾气好就得，虽然他希望另一半是圈外人，但承认自己生活圈子太细，「我当然唔希望畀人讲咁多，亦唔希望我慨另一半要畀人讲，但我又唔出去约人，可能最后尾另一半都系合作慨朋友、同事。」如果大家有好女仔介绍，不妨上社交平台PM小方啦。
