星岛网：《美丽战场》结局篇剧情大逆转 叶念琛泄「阿宝」变过街老鼠 陈滢演技爆Seed
《美丽战场》来到结局篇，《星岛头条》当然唔放过灵魂人物叶念琛。叶导一开波讲明会「口紧」，怕太早剧透观众睇得唔够过瘾，但都渗少少剧情。如「阿宝」会全面黑化，搞到众叛亲离，又预告林盛斌同刘佩玥这对会有感动位令关系升级，以及朱晨丽和何依婷会轮流被揭开真面目。采访：杜杜
叶导对于剧集得到广泛讨论表现兴奋，来到结局篇讨论更加激烈，「网上好多结局慨版本同埋剧透，我只可以讲好多TVB内部慨人睇过，呢五集就好似过山车一样，好多嘢会大逆转，好似朱晨丽同埋何依婷个真面目大家都未睇到，好多人慨底牌，观众都未知。」讲到几个恶人的下场，叶导只透露该剧讲因果同报应，相信「反骨琪」和「阿进」都会恶人有恶报。
刘佩玥预告露玄机
陈滢接受《头条日报》访问时，曾剧透「阿宝」身边只净返一只狗陪伴，叶导承认「阿宝」最后会众叛亲离，「其实预告度刘佩玥对『阿宝』讲嗰句好啱，『你以为得到所有嘢，其实系失去所有嘢』，大家成日话陈滢个角色同演技都好弱，但系等到最后呢五集，『阿宝』所有嘢为自己后，渠会真正黑化，失去晒所有友情、爱情，呢个系渠选择嚟。」
叶导又再解构「阿宝」角色，指她是个深藏不露的女仔，其实比起「反骨琪」更加阴险，「渠其实一直都系个好计算慨人，只不过渠咩都收埋嚟做，你睇佢要胁麦秋成演慨『赵生』就知，佢唔系大家想像中咁简单，最后呢五集慨剧情，大家会睇到渠有毛有翼，自己有能力后渠慨真面目先会出现，真正慨『钟家宝』先至成形。」
有信心迎战《季前赛》
对于观众好钟意林盛斌（Bob）同刘佩玥（Moon）这一对，叶导就透露，「𠵱家讲到2022年见到渠哋两个系情侣关系，纯系上司同下属，但嚟紧Bob会为女方做啲超感动慨嘢，其实之前预告见到渠哋两个会揽埋一齐，到底Bob做咗啲咩令Moon咁感动呢？呢五集就一定要留意。」
叶导又开心透露该剧播出以来，每周收视都稳步上升，原来上周已突破20点收视，对于本周将迎战ViuTV的《季前赛》，他仍对《美》剧有信心，「睇一个剧唔代表唔可以睇埋另一套，大家想睇总会睇到，因为可以任何时间重温，大结局慨内容已经系最猛火力落重料，要睇观众慨选择，况且每个剧𠵱家唔系得一个对手，要斗系同全部娱乐去斗。」
