星岛网：蔡洁上位做女一唔敢取代李佳芯 处女作全裸肉搏志伟赞自己好勇
蔡洁于TVB台庆剧《法证先锋5》跟黄宗泽(Bosco)、袁伟豪系「铁三角」，入行8年首做女一，她形容有梦想成真感觉，尤其在对手Bosco身上获益良多。重提当年在处女电影《香港仔》中跟「老爷」曾志伟有激烈床上肉搏戏，她斩钉截铁话唔会后悔，反而嘉许自己勇于尝试，「睇返都觉得几爆㗎」！
采访：方骞平 摄影：罗安强 发型：Terrence Chan 化妆：Kineks Ho
蔡洁系《法证》系列迷，最钟意由黎耀祥、张可颐及胡定欣主演的《法证3》，所以今次成为《法证5》主线既惊且喜，亦从Bosco身上学到嘢：「好似我哋喺居酒屋吹水嗰场戏，渠就加入咗啲生活元素，用鱼生比喻尸体嚟讲案情，咁就唔会咁沉闷。」另外，造型师特地为蔡洁设计合适妆容及发型，连网民都大赞她有气质。被指跟李佳芯(Ali)撞样，两人连发展路向都相似，蔡洁强调唔会取代到Ali：「每个人都独一无二，我都有睇佢啲嘢。」
大露背演出唔锡身
提到最难忘场口，蔡洁表示中段时跟关楚耀有段畸型感情线，阿关用手铐，扣住她双手，并将她「剥光猪」放上解剖台，用刀仔伤害她，所以她要由头喊到尾，好有难度。最后她更迁就镜位大露背演出，感觉好赤祼，而且全日要反手对住大家，好似唔太雅观，觉得有啲怕丑及唔好意思。
回顾2014年她的电影处女作《香港仔》中，已大胆全裸肉搏曾志伟，问到𠵱家上咗位，会否比前锡身？她即否认道：「冇上位呀？我打工㗎！其实9年前由澳洲返港好想入行，有机会就试，件事冇乜咁特别，但发觉原来观众有唔同慨睇法，𠵱家当然明白观众用乜眼光去睇嗰件事啦，但我反而觉得自己好勇敢，勇于尝试，就算睇返都觉得几爆㗎，咪劲啰！哈…真系要嘉许返畀自己，不过，唔会后悔，由头选择我会拣再早啲入行，等自己冇咁易挨残。」
