明报OL:炎明熹惊喜客串《爱‧回家》…

明报OL:炎明熹惊喜客串《爱‧回家》 自爆系铁粉 最爱丹爷及「新威龙广场」

17岁炎明熹(Gigi)明晚(26日)年初五,将惊喜客串处境剧《爱‧回家之开心速递》,据知Gigi在剧中演回自己,更会引发连串事件。

对于首度「登陆」《爱‧回家》,Gigi大感兴奋,并表示由小学时开始已是该剧捧场客:「我有追开《爱‧回家》,时间许可,我会准时八点钟喺电视面前观看,渠哋慨内容会令到我睇完之后好开心,渠哋每集又会带出一啲信息,我觉得好生活化。呢个处境剧我系由细睇到大,小学时系《八时入席》,之后再到后尾有唔同系列。」

Gigi又指能客串该剧,感觉荣幸又梦幻:「真系不可思议,冇谂过以前甚至𠵱家睇紧慨剧,会有机会遇到渠哋(剧中角色),虽然有时喺TVB会遇到大家,但唔会真系话倾偈嗰种。」Gigi表示剧中最尊敬角色是刘丹(丹爷),并争取机会与对方合照:「我知佢做咗好耐《爱‧回家》,我好开心可以加入呢个大家庭,因为我见到渠哋好似屋企人咁相处,渠哋会互相叫对方阿爸、家姐或者阿妹,然后渠哋亦都好照顾我。」

另外Gigi还大赞剧中道具相当像真:「我觉得有个好得意慨地方,我一直以为新威龙广场系一个真慨广场,然后Key个名落去,后来我知道原来系一个厂景,系特登搭出嚟,我觉得好神奇,同埋入面啲产品同店名都好得意,同嗰个𨋢真系好真。」

Gigi更透露希望日后能多点拍剧,因为她很喜欢和公司的幕后工作人员相处,皆因很有爱,Gigi说:「我一直好想拍剧,我觉得拍剧好有趣,我好钟意同工作人员相处,拍剧时真系会经常对到大家,而渠哋真系非常之好,好似屋企人咁,所以我希望储多啲经验同能力后再拍剧。」

喜欢挑战自己的Gigi,更笑言没有特别想做的角色:「因为咩角色都想做。」Gigi笑说拍摄当日,遇到两名可爱小朋友,对方提出合照要求,Gigi还拿出两颗朱古力冧小朋友,她兴奋说:「嗰日误打误撞带咗两粒朱古力,其实原本我系想试个味,因为冇食过,最后我就一人一粒畀佢哋食,啱啱好,Yeah!」

Leave a Reply