明报OL：中年好声音｜绯闻男女龙婷丁文俊甜蜜合唱 吴大强失手疑再陷危机
TVB《中年好声音》周日（9日）播出争入七强赛事，八强参赛者邀请之前被淘汰的选手合唱作赛。龙婷与丁文俊曾因合唱《因为爱情》而传绯闻，两人今集再合唱《选择》，其间深情对望、十指紧扣，状甚甜蜜。
主持车婉婉笑言似在参加婚礼，又追问丁文俊“龙婷拣你呀，有咩感想”。丁文俊口窒窒回答︰“好多谢佢，打捞番我上嚟。”
对于两人的演出，肥妈说：“出嚟嗰时，我话：‘哗，结婚呀？’”张佳添大讚两人声线有化学作用︰“龙婷把声可以带出丁文俊最Man嘅位，丁文俊把声又可以带出龙婷好女人一面，两个係Perfect Match，个表演係The Best Wedding Song。”伍仲衡另有意见：“丁文俊唱得唔够温柔同浪漫，所以我唔畀人情㗎！”嘉宾评审巫启贤嫌两人未够了解歌曲：“用错方式去唱，头先以为自己去咗中央电视台嘅晚会，柔情蜜意唔见咗！”
吴大强与鲍圣光一齐自弹自唱《Happy Together》，惟弹结他成为他们的致命伤。肥妈说：“你哋揸结他唱歌，个咪离得太远。如果用Mic Stand，你哋都係要埋去唱。”巫启贤表示︰“我觉得你哋揸结他反而绑住咗喺度，好保守，只係喺一个好安全嘅范围将呢隻歌交代咗出嚟，反而呢隻歌嘅精神出唔到。”伍仲衡则说：“唔觉得你哋係做紧同一个表演，同埋你哋把声冇Magic。”
