星岛网：《爱回家》群姐入行皆因“裙脚仔”晒儿子合照个样激似白淨版陈锦鸿
66岁的许思敏因演出《爱回家之开心速递》的接龙清洁女工群姐而为人所熟悉，从事“特约演员”超过35年的许思敏，在2022年更获TVB罗致成为合约艺人！日前群姐接受港台节目访问，坦言从未想过这角色会这样入屋：“我初初谂住清洁女工，最多咪揸扫把倒吓垃圾过镜，点谂过会咁入屋。”
群姐坦言幕后的工作人员实在功不可没：“一定要讚编剧、导演，又要我哋合作得好，监制、珍姐（曾励珍）都好好，我又谂吓群姐呢个清洁工人，点样做法好呢，呢个职业好平民化，要做到好平民化入屋先得，我个仔就话‘好易做啫，妈咪，你做番自己囉！’实在係喎，我係妈咪级，平时唔使开工都係行街、饮茶、去街市买餸。”虽然群姐很爱演戏，但为了老公和儿子，曾经试过推job！
群姐提到推job原因是因为尊重，她说：“坦白讲，如果要我好暴露、拍kiss戏，我就唔做，以前都有人搵过，但係我都推咗，因为我啲仔大个，佢哋要返工，例如角色太出位，会影响佢哋工作，被同事笑，我就唔想囉，我要尊重番老公同啲仔。”
群姐在24岁结婚，婚后育有3子，现时更有4个孙，她曾经在访问上提过，年青时爱美及贪玩，有一次参加派对后遇上严重车祸险被毁容，老公的一句话促使她託付终生：“嗰次撞车之后，面上留了很大伤口，他亦说：‘你有什麽伤口都爱你！我畀钱你整容！’是否很窝心？那时自己好担心，成世人这麽大的伤口，就反省女仔不应那麽贪玩，他对我那麽好，亦应该找个归宿嫁人。”
群姐不时在社交平台贴上与三个“裙脚仔”的合照，想不到他们的外貌相当靓仔，群姐称当年入行亦因为儿子：“我啲仔细个嘅时候好靓仔，有人搵佢拍教育电视，我带佢哋去，点知有一日，有个妈咪甩底冇嚟到，有个助导问我可唔可以拍，我话‘梗係好，好玩！’埋位即刻做，所以之后都有搵我拍。”
群姐与儿子的感情亦很好，一直都是妈咪的捧场客：“佢哋话唔再叫我做妈咪，以前就叫我‘思敏姐’，而家嗌我做‘群姐’，我哋出街冇人知道我哋係母子，以为我哋係朋友，不过唔紧要，最紧要係大家开心，不过我同啲仔本身都好似朋友，有乜难题都一定同我讲，所以都係好事！”
其实不止是儿子，现时每次出街，许思敏被人称呼做伊莎贝拉群，又者是群姐：“呢个名係大小姐（林淑敏）叫开，可能啲人觉得好得意，伊莎贝拉又加个群字，所以就入咗屋、入咗脑，我冇所谓大家唔记得我个真名，叫群姐，我都好开心，因为证明你有睇我做戏。”
