神探大战2︱汤怡自爆未渡蜜月 陈家乐唔惯戴婚戒：会被要求戴返
香港电影《神探大战》早前于第41届香港电影金像奬上荣获“最佳导演”、“最佳男主角”及“最佳编剧”等六项大奖，成为本届大赢家。《神探大战》一众台前幕后今日（27日）举行庆功宴，英皇集团老闆杨受成博士携同导演韦家辉、刘青云、林峯、陈家乐、汤怡等一同出席，庆祝电影取得大捷。
《神探大战》的主演陈家乐与汤怡在庆功宴上接受访问，日前与连诗雅新婚的陈家乐首次配戴婚戒出席活动，陈家乐笑言习惯成为人夫，却有一件事仍未适应：“习惯咗呢个身份，但係未习惯戴戒指！因为每一日冲凉我都会除低，就会放低咗唔记得戴，就会被要求记住要戴返！”
他更笑指太太会密切注视：“唔係雷射眼添！係直头开声讲！”年前与麦秋成结婚的汤怡亦笑指：“我以前都係咁㗎！但係睇下我！（展示没有戴婚戒的左手）”陈家乐笑言：“反而係你自己放低咗？”汤怡则大方地表示：“唔紧要啦我觉得！”陈家乐亦同意指：“咁有时开工拍戏都係会除返低嘅！”
而接连参与不同电影的演出及宣传，陈家乐被问及与太太的蜜月安排时表示：“仲计划紧！因为佢啱啱IG都有公布到有啲骚喺马来西亚，上次咪讲过话想去欧洲嘅？我又觉得唔係好抵，因为去欧洲睇我锺意嗰队波曼联好大机会赢唔到，咁特登去嚟睇佢输又无谓啦！所以我唔知呀，仲计划紧囉！有谂过可能去佢做嘢嘅地方，咁可能会好啲！”
在旁的汤怡突然表示：“唔当蜜月㗎！”陈家乐则惊讶地回应：“咁样唔当係㗎？”汤怡更突然自爆：“我都未去㗎其实！”令全场惊讶！汤怡表示虽然在疫情期间结婚，但与工作相关的旅程也不计算为蜜月，陈家乐则笑指：“咁你话女仔个计法係几唔同！去旅行又话唔係蜜月！”汤怡低声指：“几日咋喎！”陈家乐则立时意会：“即係要两三个礼拜先计蜜月！”汤怡笑指：“差唔多喇！一世人一次喎係咪先！”
陈家乐表示结婚仅为数日，暂时未发觉与太太连诗雅的相处出现甚麽变化，但亦表示太太有一个特定要求：“我有被要求唔好爆再话佢唔食嘢，因为佢觉得好大压力啊！因为上次你哋帮我叫佢增肥，咁佢就话我点解叫啲记者朋友叫佢食返嘢，搞到佢好大压力。”
他表示太太在婚后几天也有定时定量进食，因为筹备婚礼的数天非常消耗体力，他更大爆：“我哋其实都昏迷咗两日，真係好攰！我哋夜晚仲要同屋企人（摆酒），我开头以为屋企人都好少人啦，但係我阿妈原来都嗌咗差唔多成廿围！”陈家乐亦大讚太太厨艺比自己更好，经常煮他喜爱的牛肉乌冬，非常贴心。
