星岛网：黄嘉乐演《法言人》太投入轻佻角色 Cut机Keep住玩被投诉
剧集《法言人》是黄嘉乐在TVB的尾二作品，剧中饰演富二代律师Will，性格轻佻有趣，不过，由于角色跟真人性格反差太大，嘉乐自爆为投入，戏内戏外Keep住High Energy，点知被剧组误会做事唔认真玩玩吓，搞到要向监制道歉及解释，好彩最后都明白晒，小事化无。
採访：方骞平 场地：ZENG@登龙街
黄嘉乐在《法言人》中初次挑战男主角，跟马国明、林夏薇、张頴康情如兄妹，玩得好夹。平日内向的嘉乐为入戏，一反常态变得冇时停，就算cut咗机都主动撩对手倾偈，因此被唔同组别的导演误会他玩得太犀利，工作唔认真，有日被监制捉住了解。
回复自由身仲生活到
嘉乐形容接获投诉感到好愕然：“虽然只係一场误会，但可能自己过咗火位都唔知，而且跟导演唔係常合作，未必知道我为人係好慢热，真係为咗Keep住High Energy先咁做，所以我都有向监制致歉，好彩监制同我合作咗好多年较明白我。”除此之外，角色唔专一，用对白交代常“换画”，现实中他就锺情老婆江惠贤（Samantha），坦言已遇上心动嘅女人。
黄嘉乐回复自由身半年，笑言大家都怕他冇嘢做，故搵他拍剧及出啲社交媒体广告，他开心说：“咁我都仲生活到，希望未来主攻内地市场拍多啲古装剧。
