星岛：黄美棋获男友锺健威求婚

星岛：黄美棋获男友锺健威求婚！宣布明年结婚拍拖11年家人多位圈中好友见证

黄美棋／结婚／锺健威｜将踏入34岁的的黄美棋昨晚（21日）在IG宣佈喜讯，日前在预祝周五34岁生日的派对上，黄美棋获得男友锺健威（Ray）求婚，明年黄美棋将年荣升锺太。由于黄美棋与锺健威皆是圈中人，除了家人外，今次生日会上还有多位艺人出席，包括杨潮凯、朱智贤、林奕匡与太太李霭玑等，见证锺健威向黄美棋求婚成功。

黄美棋｜锺健威搞为黄美棋举行惊喜派对
黄美棋与锺健威拍拖长达11年，今次锺健威趁住黄美棋将于8月25日生日，提早为女朋友搞生日Party，请来双方的亲朋好友，包括艺人杨潮凯、林奕匡与老婆李霭玑、朱智贤、林秀怡、刘明轩等出席见证下，向经过11年爱情长跑的黄美棋求婚成功。相中见黄美棋见到男友求婚忍不住爆喊，而锺健威则为黄美棋戴上戒指，场面感人又温馨，幸福满泻。

黄美棋｜IG写情书署名未婚妻
黄美棋在IG向未婚夫锺健威撰写情书，第一句就透露将会在明年结婚：“我哋出年真係结婚啦💍❤️”又多谢未来老公的悉心安排今次的生日会，从找地方、联络家人朋友、佈置安排等全都一手包办。黄美棋文中还大爆求婚详情，在生日会切蛋糕的一刹，锺健威安排气球带着戒指飞到她身边，而今次的安排亦是因为黄美棋昔日曾说过好得意。

黄美棋IG全文：
Dear 未婚夫 Ray :

我哋出年真係结婚啦💍❤️
多谢你为我安排嘅呢一个惊喜party 🙈
原本无谂过要特别搅生日…
所以见到d朋友同屋企人果下真係好感动🥲
到咗切蛋糕嘅时候，竟然仲有一个神秘嘉宾🕊️
果下真係真係好开心亦都好感动，因为你竟然安排咗个气球带住隻我地隻求婚戒指飞埋嚟🙈🙈
我无谂过你会记得我讲过好得意…好锺意😆😆
一晚入边喊咗几次🥹🥹
但係全部都係幸福嘅眼泪🥰
好多谢大家对我地嘅宠爱…
我真係觉得自己好幸运
好幸福…成长嘅阶段，分别遇到身边嘅每一位❤️～
我切蛋糕嘅时候…手都震埋
心入边谂…点解我咁幸福…
所有屋企人、好朋友、重要嘅朋友都好锡我…
我心入边默默祝福你地每一个都要身体健康，事事顺心☺️
人大了，已经唔係好在乎自己几岁…
重视嘅身边嘅人过得开唔开心
健唔健康😊
未婚夫，多谢你嘅精心安排🥰 我哋终于唔使守秘密啦😂
多谢你安排咗呢个咁难忘嘅生日俾我，多谢你由搵地方、偷偷联络我嘅屋企人、朋友、买花、搵decor佈置、安排座位、扮做野出去先，今次样样都完美无瑕，我真心要俾个叻你👍🏻
今次你係劲嘅🥳🥳
冇乜特别嘢可以报答你，
只能用我嘅馀生去继续烦死你😂
以后我地要继续相亲相爱😘
继续去创造属于我地嘅未来❤️