明报：江美仪自揭打Golf阴影 搞到成面血 面上仍留疤
旅游节目《约埋班Friend游香港》今晚（11日）播映最后一集，节目由江美仪、滕丽名（阿滕）、 麦长青（麦包）和陈浚霆担任主持。
今晚播出的最后一集，4位主持首站去到湾仔海滨长廊，坐“鸭仔船”游维港，之后陈浚霆带江美仪和麦包，去到荔枝角一个商场玩室内高尔夫球，美仪自爆出事经历：“我以前都打过，但受过伤之后就冇再掂过！”
美仪指面上伤疤说：“有一次喺澳洲参观高尔夫球场，当时有个6呎高嘅外国人，用最大嘅球杆打紧，佢打唔中个波，但打中咗下面旧木方，之后支杆个头向后飞，我架车啱啱驶过就打咗落我块面度，成块面都係血！”美仪又指同场的妈妈吓得不知所措，而她出事后开口第一句就是：“我有冇毁容？”幸好最后没有大碍，美仪坦言：“𠵱家仲有少少黑印喺度，我做咗好多次Laser㗎喇！”
麦包之后孖滕丽名搭缆车上山顶，2人望维港靓景趁机各自大讚另一半。麦包谈到与太太拍拖8个月便结婚，他说：“我识咗佢3年，当时大家嘅外表，唔係大家想要嗰啲，我锺意眼大大、短头髮，但相识咗几年之后，发现佢内在美、性格都係我想要嗰种。”更大抛爱情经：“永远都係要等待先有最好嘅果实！”与老公爱得甜蜜的滕丽名，则分享夫妻相处之道说：“闹交唔会过夜，第二朝起身就要惜惜㗎喇！”
节目尾声，4位主持大玩游戏互选最Mean、最麻烦、最长气之人，陈浚霆大胆直指美仪最Mean！最后4人BBQ围炉谈及《街市游乐团》起源，美仪自爆当初自己其实没有份做主持。
