新闻女王｜何依婷与马国明激吻 未婚夫有否呷醋：佢有呢个气量 | 香港01
何依婷（Regina）（27/11）现身中环出席颁奖礼。提到早前获圈外男友求婚成功，即将成为人妻。何依婷受访时表示：“其实婚礼都差不多准备好晒，而今次举行嘅婚礼嘅地方会喺海外，日期定咗喺12月尾举行。宾客人数方面相对会比较少，主要都係双方嘅亲戚，同埋最亲密嘅朋友。而姊妹团当中会有几位圈中嘅好朋友嚟做姊妹。”
被问到在TVB热播剧集《新闻女王》与马国明激吻，未婚夫会否呷醋？何依婷笑言：“其实最近我好忙，係忙到见唔到佢，咁所以我都唔知佢有冇睇，同埋会有咩反应。不过我相信拣得佢做我老公，佢係有呢个气量。
（婚后会否减少拍亲热气？）其实由头到尾我都係睇剧本嘅，就例如如果嗰场亲热戏对剧情係必需嘅，我觉係无可厚非。（拍亲热戏前会否徵求老公意见？）我好多嘢都会问过佢先，拍《新闻女王》嘅时候，剧本佢係睇晒㗎。”
