新闻女王｜何依婷演奸角获观众讚演技 自爆心情劲沉重：唔想出去 | 香港01
何依婷（Regina）（28日）现身红磡出席台庆剧《新闻女王》宣传活动。Regina最近凭新剧晓薇奸角爆红，她接受《香港01》访问表示：“咁真係几奸嘅，自己师傅对自己咁好，又比个对头可能有少少攻势又可能追咗去。”
她继续指其实并不是难以抽离角色，并表示：“其实嗰几个月好容易会觉得唔开心，同埋有阵时朋友叫我出去，我唔使开工都唔想出去，心情比较沉重。”至于会否情绪受到影响，她坦言：“其实係，因为做一个唔开心嘅角色，拍摄嗰阵情绪都係会比较大！”
何依婷承认同马国明拍亲热戏前食虾片
提到最近有网民指希望看到Regina会在剧中与马国明饰演的“梁景仁”分手，她笑说：“其实都开心嘅《新闻女王》佢哋都好锺意同埋好代入嘅角色，令到团体都係好开心嘅事情！”
讲到马国明之前接受访问投诉Regina拍亲热戏时惨遭对方虾片味侵袭，她表示：“因为其实我好为食，之前佢哋玩直播喺度投票，边一个係全组最为食，我都係数一数二，唔使埋位我就会周围搵零食，咁啱係拍嗰场戏嘅时候我就食咗啲虾片！”讲到接下来会否跟马国明还有激烈的对手戏，她笑说：“大家想睇就睇落去。”
何依婷婚后唔抗拒拍亲热戏
讲到老公会否因马国明拍亲密戏而“诈型”，她表示：因为我哋最近都好忙，冇时间去见面，所以我都唔知佢有冇睇，佢都冇同我讲。”被问到结婚后对亲热戏会否有所顾忌，她说：“都OK嘅！我觉得都係睇剧本角色需要，佢係相当支持我拍戏嘅。”
被问到会有信心凭着晓薇一角入围争奖，她直言：“其实我唔係好谂呢啲奖项，我觉得自己嘅角色有突破比观众，呢样嘢对我来讲已经好重要。”她随后补充希望佘诗曼能够夺得视后殊荣！
