新闻女王｜佘诗曼冇谂过争视后 观众望撼赢邓萃雯成TVB之冠 | 香港01
佘诗曼（阿佘）（28日）现身红磡出席台庆剧《新闻女王》宣传活动。阿佘最近凭新剧Man姐一角爆红，深受观众热烈的讨论，她接受《香港01》访问透露有邀请亲朋好友一同收看，并表示：“我哋之前都有睇过部份，其实我最开心係我出去食饭嘅时候，电视机係播紧我哋嘅戏。”
佘诗曼难忘直播火场报新闻
至于那一个场是最难忘，她表示：“其实每一场都好难忘，其实都好紧张紧凑，但对我来讲都係讲紧火场嗰一场戏，拍咗一个礼拜就拍过一场重场戏，咁係我未拍过直播戏播新闻嘅情况下要去现场直击报道，难度真係一千分，嗰日其实我真係好紧张，出门口前个心卜卜跳，一世人都未试过咁紧张，叫我直接望住个镜头去讲一大堆资讯性嘅对白，或者唔受到任何环境嘅影响，又要神似，仲要好多戏好多走位，好多嘢会去纷扰你，要高度集中先可以做到。”
另外提到剧中有大量动作场面，她形容拍剧经常会损手烂脚，并笑指：“武术指导都俾咗好多训练我嘅，一投入啊！脚同埋手都会损哂，都冇理到啲手脚！”
佘诗曼冇谂要击败邓萃雯
被问到若果凭新剧能够角逐“视后”宝藏，会否现身出席颁奖典礼，她说：“如果档期容许，我当然啦！”提到网民不断推捧佘诗曼同李施嬅一齐夺双视后，她表示：“唔知喎！我哋其实我哋戏里面每人攞奖都会好开心。”
另外讲到有网民指若果今次佘诗曼凭新剧再夺视后能够击败同样夺得两次殊荣的邓萃雯，成为TVB是上最多视后的得奖者，她坦言：“冇谂咁多嘢！因为拍剧拍得好係好难，而个个演员受到关注同埋支持係更难，喺拍摄嘅过程其实大家都係好开心，合作得好愉快，大家都好俾心机，呢样嘢都係好难，咁多样嘢加埋都可以做到呢一样，过咗一个礼拜迴响都唔错，其实我觉得个个都攞咗奖！”
