奔跑吧！勇敢的女人们｜黄滢仴病住开工唔敢偷懒：同自己讲要撑住
TVB新人黄滢仴（Verena）今日（30/1）抱恙现身电视城出席无綫新剧《奔跑吧！勇敢的女人们》开镜拜神。Verena为配合剧中“世界女”角色，不惧寒风，身穿清爽性感短裙上阵为剧集宣传造势：“其实今日个天气都真係几冻，而我而家咁嘅造型，我都特登着咗丝袜都觉得冇乜帮助。不过好彩我都准备咗好多暖包，一阵埋位拍嘅时候，我就会将啲暖包放晒喺条腰度，咁就应该会暖好多。其实早两日我开始唔舒服，我已经即刻去睇医生，然后食药。但把声就开始讲嘢冇乜声，呢两日都有食药撑住开工，因为怕影响拍摄进度，变咗我都有为自己打气，同自己讲要撑住。”
