星岛：何晋乐 林智乐齐发围势要越来越红 潘静文期待再做大骚司仪
何晋乐（Rock）、林智乐（Felix）、潘静文（Sherman）去年各有新尝试，展望龙年，Rock已遇到音乐上伯乐，希望今年可以发表创作歌曲；Felix开心透露今年开了靓头，将会跟很多不同音乐人合作；Sherman主持《J Music》有好多得着，最想再做大骚司仪学嘢。
採访：杜杜 摄影：谭志光
夺得叱吒生力军男歌手银奖及新城劲爆新人奖的Felix，好满意去年发展，希望越来越红，“开心出到两首歌，攞到奖可以答谢好多爱锡我嘅人。希望可以吸纳多啲受众，多啲人认识我嘅音乐，因为每首歌都係团队呕心沥血制作。”他又预告今年会有新搞作，“已收到惊喜，譬如好期待合作嘅音乐人，其中一个係Sherman啦！仲会延续上年，做好多唔同类型音乐节目，算係开咗个靓头。”
主持《J Music》获益良多
Sherman难忘去年推出首支单曲《永远潘朵拉》，又跟张振朗合唱《似梦迷离》，还首次主持台庆，“做Live show肾上腺真係会升到好高，好考执生，係难得考验，希望再有机会做大骚。”踏入新1年她开心再出歌，“都係自己idea。”又会继续主持《J Music》，“开心做呢个节目，真係令我认识好多音乐人，做到一啲‘声梦’做唔到嘅crossover，真係学到好多嘢，希望长做长有啦！”
Rock去年举行Fans meeting外，还首次执导《深感荣幸》MV ，而主持《J Music》亦大受启发，“点解人哋好短时间出到歌？或者有好多成绩？会反思好多嘢。”去年他亦写了很多作品，有望今年发表，“啲歌暂时仲喺电脑，因为怕羞未畀人听过，但啱啱遇到个伯乐，会同我一齐创作，用佢嘅经验提点我，希望啲经验同作品今年可以用得着，到时再话畀大家知伯乐係边个！”
