星岛：马德钟被嘲“胶”样大反击：眼耳口鼻郁到喎
55岁变回19岁磅数公开刻苦Keep Fit方法
55岁马德钟（马神）在《再见·枕边人》，跟“前妻”41岁黄智雯和“未婚妻”33岁张曦雯大搞3角关係。因为Keep得好拍档越来越后生，重提年前开始茹素急瘦现皱纹，被指“胶”样疑整容，马神即反问：“点样胶得嚟，笑起上嚟又多皱纹呢？！”。
採访：杜杜 摄影：Stanley 髮型:Sue Cheung K11 Musea Hair Corner
马神跟黄智雯和张曦雯再合作，觉得她们有很大变化，先讲2008年《东山飘雨西关晴》合作的黄智雯， “《飞虎》（2012年）时佢做我手下，依家演技上成熟咗好多。”第3度合作的张曦雯进步更大，“我睇剧本时，佢个角色，咦！都几辣喎！要放得开演衰嘢，佢又完全冇包袱，演绎上已经好成熟。”
操强肌肉唔怕跌
几年前开始茹素急瘦的马神，现在精神状态更胜从前，连朋友都笑问他，为何女拍档越来越后生？他认为秘诀除了食植物性食物外，最重要够自律，“生活上够健康，不嬲唔食烟，依家完全滴酒不沾，每日唔係开工好密都会做运动，男仔又会着数啲，衬唔同年龄嘅人，又好似都可以。”
对于急瘦变“胶”被指整容，他不怒反笑，“都觉得几好笑，有啲人话‘你好胶’，有啲人又话‘点解你笑起上嚟咁多皱纹’，点样胶得嚟，笑起上嚟多皱纹呢？！嗰时可能瘦，大家会觉得个样有啲分别，我又唔係好觉，咦！依家大家又觉得‘佢啲眼耳口鼻又郁到喎’哈哈！咁就OK！”
身高183cm的马神，多年来磅数相差甚大，“依家185磅，係19岁时嘅磅数，食素之前差唔多200几磅，食素就即刻跌咗落嚟，变返18、19岁嘅磅数，依家啲肌肉係冇咁大，变咗好似瘦啲、削啲，有时间做返运动啲肌肉胀返啲，个人胀返，虽然磅数差唔多，但体质唔一样。”虽然已重回年轻时体重，但他依然未满意，“仲可以好啲，再fit啲，尤其年龄越嚟越大，肌肉量会流失好难keep，冇肌肉啲骨头支撑得唔好，跌一跌会好易有事。”
两公婆唔愿出街
剧中马神跟枕边人关係麻麻，现实就跟太太张筱兰，拍拖连结婚37年来一直恩爱，问到相处之道，“开心嘅，我哋好多嘢倾，咩都可以倾。”他又认为已年过半百，会更加珍惜身边一切，所以跟太太会如孖公仔一样出入，“冇乜时候唔係一齐，珍惜多啲时间同屋企人相处，我太太唔忙时，我去边做嘢都会同我一齐，好少plan旅行，锺意留喺屋企，我哋工作去唔同地方，工作之馀四围睇吓。”
他又指太太处理任何事都出色，但都会分工合作家中大小事，“买啲乜嘢，点样整营养会够啲，佢係专家嚟，日常嘢佢好强，屋企漏水或者灯坏，啲车有问题就我嘅，大家好易配合到。”
