星岛：炎明熹唔认弹弓手Unlike点讚Kakit 吁网民助截图问IT 大学生活因一事好尴尬
炎明熹（Gigi）之前现身电台宣传新歌《透光者》及演唱会，虽然工作学业两边忙，但因获朋友支持仍然可以应付；而对于被指弹弓手Unlike Kakit帖文，Gigi搞笑说：“大家如有发现记得Cap图给我，我会去问IT部，可能系统有问题！”
门外早已有半百粉丝守候Gigi，她跟粉丝有讲有笑，更与众人大合照。其后她接受《星岛头条》访问，被问到演唱会销售情况，Gigi表示：“其实我冇太留意，但我收到可以再加场嘅时候，就知道睇嚟都OK喎。其实都有少少压力，希望可以尽能力去表演，希望自己嗰三日状态OK啦。”
工作学业两边兼顾
去年正式投入大学生活，Gigi表示学业事业两边尽量平衡，“有时大学朝早返学，下昼冇堂就会去工作，又或者上午工作完，下昼去上堂，通常来也匆匆去也匆匆，大家都未必会见到我嘅身影。有时同学都认唔到我，有啲尴尬。暂时都兼顾到，当我自己觉得好似就嚟做唔到时候，竟然畀我化解到，同埋身边好多朋友帮紧我，所以我会带住佢哋嘅力量去做好佢。”
早前Gigi斩钉截铁否认与《全民造星V》出身邓家杰（Kakit）的绯闻，Gigi表示：“其实我就觉得冇乜嘢，所以有朋友问到我，我都会讲。通常我比较内向，唔会同大家有过多嘅交流，我嘅经理人就话你应该识多啲朋友，但我就因为太尴尬同怕丑，冇同佢哋讲嘢，但就有点头，之后我哋再冇交集，然后我就发现佢关注咗我嘅社交媒体，咁我都关注返佢，有时见到post，我都会点吓讚。”
疑电脑系统问题致
对于被指弹弓手急急撤回对Kakit帖文讚好，Gigi续指：“我好想喺度讲，大家如果见到我有unlike嘅情况，就麻烦cap图畀我睇，因为我真係会去问下IT部嘅同事或朋友，我觉得可能有好多因素都会出现unlike，可能个系统出咗问题。”她坦言没有被绯闻影响心情，更表示觉得搞笑，是大家的误解。
