金像奖2024｜姜大卫夺“最佳男配角” 收过百短讯覆唔停：4点先瞓 | 香港01
《第四十二届电影金像奖》昨晚（14）完满结束，姜大卫（John哥）首次凭电影《白日之下》击败其他对手，勇夺“最佳男配角”，苦等73年终踏上颁奖礼台上。
今日（15/4）John哥现身尖沙咀出席无綫热播剧集《《逆天奇案2》“祝捷会”。
John哥接受《香港01》访问时说：“其实寻晚攞完奖之后，心情都未平伏，今日出席《逆天奇案2》活动，我又开心多一次，因为佢哋写咗一张心意卡畀我，令我好意外。同埋今日呢个活动正好在中午时间搞，变咗我都有时间休息，因为寻晚完咗颁奖礼之后，天下一老闆古生（古天乐）请我哋一大班人去咗打边炉，都食到2点先走，加上成百几个讯息要覆，都搞到成4点先瞓，因为实在太攰，一挞落床就瞓着，係好好瞓。”
