何沛珈与阮浩棕恋情正式浮面？ 被问感情状况回答得劲暧昧 | 香港01
何沛珈、洪永城、宋宛颖和魏韵芝等艺人今日（18日）出席《早D知早D医》记者会。提到节目当中播出“大小姐”林淑敏有份担任嘉宾分享患乳癌，何沛珈接受《香港01》表示：“佢好坚强，佢同我分享其实之前冇话俾佢妈咪知，佢自己同佢先生去面对，咁佢亦都好积极去治疗，直到佢话俾屋企人知，屋企人反而话俾佢听要做啲咩治疗，好冷静咁样一齐同佢面对。”她继续大讚大小姐非常积极乐观。
讲到最近在社交网首次晒和阮浩棕的合照，疑似恋情正式浮面，她闻言后笑说：“其实係我哋一齐去广州拍嘅旅游节目，个旅游节目就好多人嘅，但係我哋食得太多嘢。”
她指之后就相约了阮浩棕和张彦博一起跑步。有网民指张彦博站在她与阮浩棕中间位置，摆明做“电灯胆”，她笑说：“咁我揸机，咁啱张相就係咁。”
被问到与阮浩棕会否有发展的机会，她回应：“唔排除，所有嘢都有机会发生嘅！”谈到欣赏对方某一点，她说：“透过呢个旅游节目，我都觉得佢几好帮所有人搬行李，我哋坐嘅係旅游大巴，下面嗰一层未必放得晒所有人嘅行李，好好帮我哋女仔同其他工作人员搬行李上落。”
