明报：跟康子妮离婚4年 阿Lo专注工作 感情冇着落：冇特别想搵
林晓峰（阿Lo）歌曲《曾经被遗忘的人》唱尽多年来，于演艺圈的心路历程，阿Lo在2020年与康子妮（现名：康荥舫）离婚后，感情未有着落，他表示现阶段只花心思在工作上，望往后能继续做到歌手。
阿Lo获内地观众冠以“宝藏歌手”之名很感恩，感觉就如很久以前被遗忘的身分，被发掘出来，他说：“人好得意，只要唔放弃，几时重新开始都得，我就将呢份感觉写喺《曾经被遗忘的人》歌词中，希望令自己唔再嬲自己曾做得唔够好，错失机会，提醒自己已经过去，之后嘅路要开心行。”他谦称不敢说在内地成功，只是行了另一步，跟著自己的节奏去了另一个阶段。
阿Lo表示儿子林宝和林熙均讚新歌几好听，他笑道：“佢哋好支持我，如果佢哋唔支持，我就支持唔到佢哋生活，互相支持咁咪好囉！”
早前与一班兄弟开直播，疑似被踢爆有新恋情，他笑道：“係兄弟玩我，我份人想所有人开心，见佢哋问得咁有趣，就答咗事实，刚从东北返嚟块面爆拆敏感，而唔係佢哋所讲‘红粉霏霏’，佢哋有乜理由唔知，係想做直播有话题，佢哋唔係紧张我，只係八卦，但我唔介意。”
阿Lo表明现时只花心思在工作，而不会花心思在感情，他说：“有就有、冇咪冇囉！又唔係未试过，𠵱家我呢个年纪，个人开心最紧要，如果有都要开心先得，我唔会抗拒，亦冇特别想搵，近年冇新对象了解，除咗工作都唔锺意出街。”
