专访2│张頴康爆刘德华冇脾气 补贴到正式签约TVB：贴到够晒生活
现年42岁的张頴康初出道有“刘德华契仔”之称，刘德华以身教教识张頴康洁身自爱，“我谂我今时今日都冇乜绯闻，除咗多谢老婆对我好好之外，仲要多谢华哥，因为佢教识我唔好乱搞男女关係。”
拍摄录制：麦超亿
场地：天穴ANA TEN
武术指导黄明昇介绍入行
一切要从张頴康遇上武术指导伯乐黄明昇说起。当年刘德华公司开经理人部门，黄明升找到张頴康，问他是否有兴趣加入。张頴康原打算考警察，但中六时他已希望自食其力，见过报刊及文员多个职位，均被拒绝，刚好复活节假遇上黄明昇，“我咪话：‘好呀，试吓囉，睇吓有冇钱啫！’唔知点样试咗又Ok喎。”有黄明昇推荐，张頴康顺利地加入了刘德华公司，“我著住校服去签约，间公司喺鰂鱼涌。”
拍《老鼠爱上猫》刘德华亲自教做戏
刘德华虽然是大忙人，但仍抽空培训旗下艺人，“有一次拍《老鼠爱上猫》，其实唔係咁多戏，做啲王朝马汉、张龙赵虎，其中一个跟住佢，中间有场戏係打功夫。夜晚返到去酒店房，隔篱动咁样，食完饭佢都会指导返我，其实你应该要点做。”
张頴康指：“我见啲访问成日见到佢话自己好大脾气，其实我未见过佢发脾气，我从来都未见过，我都冇感受过佢恶。”一次刘德华新年派是，张頴康与林家栋、邓肇欣试探刘德华记性，“翻Round”攞完又攞，张頴康笑言：“攞第二封嗰时佢个眼神係：‘你好似攞过㗎啦喎，你又攞？’但佢就冇嘢嘅，照畀你。但第二封就就梗係冇攞到啦，我哋玩完就算啦，试吓佢记唔记得啫！”
补贴到正式签约TVB
“我从来未见过刘德华发脾气。”张頴康对刘德华极广阔胸襟记忆犹新，人工亦“绝对够使”。工作一段日子后，张頴康有见林家栋、连伟健均从TVB出身，生起入艺训班念头，而刘德华亦十足支持，一口答应补贴张頴康直至正式签约TVB，“半年嘅训练班时间，补贴到你够晒生活。”
梅小青唔清楚“刘德华契仔”之名
虽然在训练班不少得闲言碎语，似乎有“刘华光环”的张頴康不免被指有后台，相信最快受力捧、最快接戏的毕业生。张頴康笑言：“事实证明咗，大家咪又係做喺后面做临时演员行来行去， 行咗好多年先有啲对白讲吓。”张頴康想起一件趣事，“我听返嚟，话小青姐（梅小青）搵我做戏，佢话：“咦，佢好似係帮刘德华配音㗎喎！””对被指在TVB受优待，张頴康笑指：“绝对冇呢件事。”
“刘华光环”为“一世的压力”
张頴康坦言“刘华光环”是“一世都会有压力”，故儘量谨言慎行，生怕“影衰”刘德华，“一行差踏错，就会令华哥个名有蒙羞。”接下来的故事大家都熟悉，张頴康一路打拼攀上主演位置，一共两次夺得“飞跃进步男艺员”，刘德华亦拍片恭喜，张頴康在台上公开多谢刘德华，“我敢讲，我做演员，某程度上都係因为佢嘅教导出嚟。佢唔係捉你嚟教，而係身教，同佢一齐做嘢，喺公司见到一位咁嘅老细，你都唔会行差踏错。”
酒吧被落药捲伤人案险留案底
然而人不轻狂枉少年，张頴康不介意大爆“瘀事”，一次因被落迷药捲伤人案，险留案底，张頴康估计，应该是被落了“打咗人都唔知嘅药”，他忆述：“有人同我讲：‘你係咪华仔签咗嗰知个演员？一齐饮杯嘢啦！’饮完已经冇咗意识啦。第二日警局打嚟问：‘你係咪TVB嘅张頴康呀？’我话係。佢话：‘有人投诉TVB嘅张頴康琴晚打佢喎！’我好记得，同佢饮之前都清醒嘅。”
张頴康原以“烂命一条”心态面对，惟麦雅緻不肯罢休，“佢话：‘点解会有坛咁嘅嘢㗎？唔得，你同我一齐去法援啦，你唔可以有案底，会跟你一世。’我话：‘我冇钱搞咁多嘢喎！’咁佢即刻帮我搵律师，当然都要一笔钱啦，帮我处理咗呢件事。”幸而最后双方和解收场。经历过留案底的危机后，张頴康承认三年内要娶麦雅緻为妻，虽然最后用了四年，但张頴康坚持“非麦雅緻不娶”，兑现了承诺。
