星岛：54岁梁小冰晒命式公开结婚24年保甜秘诀 自揭尘封秘密当年为梁朝伟选美
54岁的梁小冰跟老公陈嘉辉齐拍TVB热播剧《逆天奇案2》，演活坐监30年的落泊老妇角色。时隔26年重返娘家，梁小冰自揭收埋心底多年的小秘密，包括因为梁朝伟才加入TVB，虽然之后无缘合作，好彩仲有古天乐、郭富城、郑伊健等当紥小生填补空虚，她更非常回味当年可以任摸白面古仔。
郭晋安及欧倩怡昨日宣布结束18年婚姻，而小冰跟陈嘉辉结婚24年依然甜蜜，靓太更公开婚姻保甜秘诀，陈生把口甜得可怕。採访：方骞平 摄影：谭志光
1990年港姐季军梁小冰曾是当家花旦，7年间演过《血玺金刀》、《鹿鼎记》等32部经典古装剧，被封“古装皇后”，至1997年约满转往内地发展。今次重返TVB除因相识30年的幕后团队外，还因角色跟真人性格反差好大，好有挑战性。
懒凑仔有老公顶住
不论戏裡戏外，小冰都大讚结婚24年的老公，是将她由地狱带进天堂的白马王子，“今次拍剧有佢无微不至咁照顾，婚后由管家、凑仔、到管教全部係佢，我只係负责煮饭…煲剧起唔到身凑仔返学，哈！唔好意思囉，而且自己好瞓得，起身后咪侧侧膊，同佢讲要买餸煮饭，佢又OK喎。”小冰唔停口讚老公：“佢瞓醒就讚‘老婆你今日真係好靓’，又会从后揽住我话‘老婆你好Fit，点解条腰咁瘦嘅？’”
感动出山冇被嫌老
对于重出江湖好评如潮，小冰感动到眼有泪光：“睇观众留言‘挂住我’、‘讚我好戏’、‘仲话睇唔够，想睇我多啲拍戏。’嗰种甜，睇见都标眼泪，我都快60岁喇，原来佢哋睇住我长大，冇嫌我老及肥…”小冰更拍心口承诺，如果观众想睇，会拍多啲TVB剧：“李司棋、黄淑仪40几岁就演妈妈角色，自己都唔介意演，大家尽情搵我啦。”
翻Hit的小冰想当年，她自爆一件憾事：“20岁时一鼓作气着泳衣参选港姐，口话想做演员，其实係想同梁朝伟一齐拍剧，因为五虎将红到爆，但我1990年入到去，伟仔啱啱走咗喇，呢种擦身而过嘅感觉，𠵱家都饮恨紧，始终佢现时级数同以前差天共地，唔易接触到。”但小冰唔死心，继续力Sell自己：“不过，现阶段我嘅成熟度，係拍到梁朝伟及周润发。”
城城古仔依然靓仔
虽然同伟仔冇缘份，但小冰庆幸也曾跟TVB当家小生古天乐及郭富城拍过剧，最难忘《圆月弯刀》中奉旨摸24岁古天乐的“牛奶白皮肤”，时至今日小冰谂返起都会笑：“嗰时佢係白色(皮肤)稀有品种，喺我心目中𠵱家古仔都係咁靓，从来冇变过，只係颜色係黑定白啫，所以呢套剧红遍中台两地。”
小冰又大讚古仔係非常认真嘅演员，每场都会用真眼泪：“有场戏嘅对白係‘我想最后一次见到你嘅时候，摸清楚你块面…’然后由额头摸到落佢鼻哥、嘴巴及下巴。”问到手感如何？她大笑说：“咁个鼻梗係硬啦，但好滑溜。”
至于32年前跟影帝郭富城合作古装剧《风之刀》，小冰依然好记得，“当年26岁嘅城城好爱玩，得閒会用条绳笃吓你，直至23年后再合作电影《踏血寻梅》，感觉彷如隔世，𠵱家城城成熟咗好多，拍戏时稳重到不苟言笑，佢同古仔喺我眼中一样咁靓仔。”另外，她又认为郭柏妍眼大大、眼仔碌碌好可爱，似足她当年出道，应该可以做古装美人。
