逆天奇案2｜冯盈盈晒纤腰抢FO 专心工作唔谂感情事自爆冇追求者
TVB热播剧《逆天奇案2》即将迎来大结局，今（8日）剧组就举行宣传活动，一众主要演员均有出席。其中冯盈盈（crystal）以一身滑浪Look现身，大晒纤腰及长腿，相当吸睛。而在接受《香港01》访问时，谈及前医生男友锺文浩（Martin）近日现身TVB录影节目《早D知早D医》，她表示事前并不知情，同时透露二人已再没有联络。
在《逆2》中冯盈盈演技比起第一辑甚有进步，其中一场失控爆喊戏感染不少观众，获网民们激讚。虽然演技有进步，但在讲台词时其表现仍欠奉，懒音极重，所以令人听起来相当不舒服。
在提到这个问题时，她就表示：“我谂我係过度矫正，表演老师泰臣都有针对我今次嘅表现，写咗篇千字文话俾我听有咩做得好，有咩做得唔好，话我係改善懒音方面矫枉过正，所以太用力，所以俾人感觉可以再自然啲。”强调可能尝试用了新的发音方法去演戏，变成了有一种听起来生硬的感觉。
而比起第一辑的戏分，有不少网民留意到她似乎从女二变成了配角，戏分没有从前的多，对此她就不认为：“因为作为一个专业嘅演员，唔会睇自己嘅戏分多与少。始终係第二辑，有好多新嘅人物（加入），多咗参演嘅角色，所以喺内容方面有平均分配。”亦因为第二辑的内容令她爱上了滑浪活动，透露明天将会上滑浪课程。
另外，提到前医生男友锺文浩近日罕现身TVB录制节目《早D知早D医》，问到是次
知不知道呢？她就二话不说：“刚才有另一位记者朋友讲先知，（依家有冇联络？）冇啊！虽然我哋关係都保持良好，但始终可能我喺娱乐圈工作，佢喺医疗工作，始终唔会有咩特别交集，所以呢段时间以嚟都冇咩特别联络，（过时过节有冇问候？）都冇，就算係朋友都唔一定要过时过节问候嘅。”
而早前冯盈盈接受媒体访问时，透露未来两年不拍拖只专心工作，问到若在这段期间内遇到心上人会如何处理？她就表示：“因为我自己已经谂住专心工作同读书，所以其实好难会有心上人，唔会谂任何有关感情相关嘅事，俾自己开始新嘅恋情。（依家有冇追求者？）冇，可能太专心做嘢同读书，所以唔会有任何呢方面嘅机会。”当问到择偶理想型时，她就强调没有多想，目前只想专心工作和读书。
