星岛：“亿万驸马”伍富桥结婚两周年花尽心思凼老婆
送巨型鑽戒惨被疯狂质疑：点解你有咁多钱？
昨日（8日）是“亿万驸马”伍富桥与富家女太太梁兆楹（Shirley）结婚两周年，本来伍富桥为结婚2周年，花尽心思凼老婆，除了唱老婆最爱的Twins歌曲外，还在高级餐厅撑枱脚，期间伍富桥更为老婆送上惊喜，大手笔送上巨型鑽戒，殊不知被老婆不停质问：“你点解会有咁多钱？”
伍富桥结婚2周年花尽心思凼老婆
伍富桥昨日在IG限时动态贴上多段短片，原来昨日是两人结婚为两周年，伍富桥今年花尽心思凼老婆，先在录音室翻唱老婆最爱的Twins歌曲，接着在高级餐厅厅撑枱脚，期间伍富桥更为老婆送上惊喜：“老婆，你上次咪话好想知我个秘密礼物係咩嘅？”
随后他递上闪令令的首饰盒，梁兆楹即笑问：“个惊喜係咩嚟呀？係咪得个盒上面有闪石裡面冇？等我睇下先！”梁兆楹在枱底打开首饰盒后，既惊喜又愕然并表示：“哗，点解嘅？边个买畀你？边个叫你买呀？（咩买俾我啊，我买俾你㗎）边个畀钱你买呀？（我自己囉）你自己攞钱出嚟买？点解你会有咁多钱嘅？（每个月储啲储啲就有。）”
梁兆楹收水滴型鑽石戒指疯狂质疑
原来伍富侨为太太送上一隻水滴型巨鑽戒指，但太太收到礼物后，依然继续质问：“真定假㗎？水晶嚟呀？咩呀？Mom畀钱你重新镶呀係咪呀？冇可能！冇可能！你点解会有咁多钱？”伍富桥无奈表示：“你呢个咩问题？你试下啱唔啱先啦！”
梁兆楹收到水滴型的鑽石戒指，目测起码有三卡，不过梁兆楹错晒重点，戴上鑽戒后继续摆出一个嬲样质问钱的来源：“靓啊，但点解你会有咁多钱？点解呀？我而家要重新考虑你呢个人。你讲大话呃我呀，我係唔会沉溺喺呢啲物质上嘅嘢，我而家要了解件事嘅根源，就係你係一个好多秘密嘅人，我而家开始要密切咁观察你。”
伍富桥惨被老婆疯狂质问要再努力搵钱
惨被老婆疯狂质问的伍富桥其后笑言：“幻想嗰啲感动、流涕、拥抱，係唔会出现喺我老婆身上，睇嚟要再努力啲搵钱！有兴趣减肥，增肌减脂，越野跑训练，吹水，打发时间，欢迎DM！”
伍富桥和太太梁兆楹的互动向来都很搞笑，而且经常被网民狙击，虽然梁兆楹一向笑骂由人，踏入龙年却突然一改作风，在社交网连环爆粗反击网民：“我的社交帐号纯属个人分享，所以最后我想发表的是，人无完人，看人先看己，秤人也秤己，讲到尾就係，佢X得落佢本事，你恨唔X到咁多，完！”
