女神配对计划｜林智乐想做花生团 张驰豪爆曾作歌写情信追女仔 | 香港01
张驰豪和林智乐今日（06/7）出席《星光熠熠耀保良》记者会，两人接受《香港01》访问时，均表示会在筹款节目中表演唱歌跳舞。访问中谈起恋综节目《女神配对计划》，林智乐表示睇到好“肉紧”，而张驰豪则回答，如果有喜欢的女生参加的话，可能会举手做“求爱勇者”！
林智乐：“会好戥佢哋紧张，我好想做坐喺房入面嘅花生团睇佢哋。（戥边个紧张？）梗係GM曾展望啦，咁多对手，同埋俾好多人讲又同一时间俾好多人讚，到尾叶蒨文会拣边个呢？我觉得佢都会拣GM嘅。”
话峰一转，林智乐就表示张驰豪应该去参加，而不是坐在电视机前“食花生”。张驰豪就说：“我讲嘢唔叻呀。我惊去到节目，讲嘢都唔超过5句，监制就会叫我讲多啲嘢，唔自在呀。”
如果有心仪女性参加节目，张驰豪又会不会举手做“求爱勇者”？他回答：“可能会㗎，不过要谂吓。我未知会唔会想公开一段恋情，追唔追到都係一个问题，但係都会试吓。”访问中，张驰豪也透露，以前曾经为女朋友亲手写了一首歌和情信，他更大爆，自己属于被动型，在感情中不会太进取。
