明报：逆天2｜梁小冰时隔23年再与陈嘉辉合作 讚老公为最佳拍档
TVB剧集《逆天奇案2》昨晚（17日）一集讲述历尽不幸的阿兰（梁小冰饰）最终接受徐仁达（陈嘉辉饰）追求谱黄昏恋，仁达从前是阿兰哥哥帮派中的小混混，暗恋了阿兰30多年，直到重遇阿兰终鼓起勇气表白。
岂料，仁达突然捲入一单藏枪案而被警方扣查。六神无主的阿兰向曾愧对自己的莫Sir（李国麟饰）求助，莫Sir在公在私决定动用O记接手案件，惜未能寻获对仁达有利证据。阿兰最终决定牺牲自己，为仁达顶罪。
梁小冰与丈夫陈嘉辉相隔23年再合作，第4次饰演恋人。她表示两人默契依旧︰“我哋会喺屋企对好晒对白，但唔会排戏，因为到现场先演会撞到个火花出嚟。我好多谢佢，佢係睇住你嘅情绪再去交对白，例如会睇住你啲眼泪流晒落嚟，佢先去下一Part，冇一个拍档係可以事隔咁多年，个默契都仲可以喺度。佢好有纪律，唔止准时仲会早到，所有对白都记到滚瓜烂熟。佢係一个好好先生，唔锺意同人闹交，同所有人都交流得好好，好似锺嘉欣、苏玉华、陈滢、蒋家旻佢哋见到我都会话‘你老公好正，真係一个好好嘅对手’，我真係觉得好幸福。”
陈嘉辉在《逆天2》饰演的仁达是一位痴心情长剑，对阿兰呵护备至，现实中的他也是一名“爱妻号”。梁小冰开心分享︰“我老公好玩得，每日起身都会话‘你好靓喎’，结婚20几年都係咁，讲嘢好甜，就算我捲到个头好似包租婆咁，佢都话‘点解可以咁靓’。我性格係一有问题就会讲晒出嚟，佢就叫我慢慢讲、唔好嬲，同埋叫我可以用另一种方式表达，例如喺最嬲时唔好讲嘢，写出嚟。以前我就写晒喺张纸上，写完几千字都已经唔嬲啦，依家就转用WhatsApp。我哋依家唔使讲嘢都知大家谂咩，唔使咁多说话同沟通，呢个就係默契。”
谈到其角色几乎场场喊，梁小冰说：“差唔多全部一Take过，最主要係入片场时已经进入个情绪，一个演员必须具备嘅技能就係共情，咁样你先可以代入到个角色，有好多嘢你冇可能现实生活上经历到，做演员好玩就係呢啲囉！”昨晚一集尾声，客串演出记者的邹凯光为一单枪击案提供了新线索，令黄智贤饰演的Nic Sir疑成功找到还嘉辉哥清白的关键证据。
