Gin Lee被曱甴爬上身 冷静被誉为“坚姐”
歌手Gin Lee（李幸倪）2018推出《很坚强》这首歌，从此粉丝帮她起了个花名叫“坚Lee”，她算唔算硬净？她笑说：“都算OK！”并分享一件有趣事，话说有次做完嘢她上保母车离开，因为她好肚饿，司机就车她到一处买嘢食，她说：“度门一开，我就feel到有嘢飞喺我身上，因为车厢少少暗，‘咦曱甴喎！’望一望系好大只曱甴，喺我身上走嚟走去，跟住我望住司机，点解有曱甴喺车，跟住助手劲惊，司机都好慌，要即刻搵架生消灭佢。”但全程她表现平静，司机都助手就话：“唔怪得叫坚姐。”
Gin笑言本身唔惊曱甴，所以当下她冇嘢，亦冇谂住拨走，只系叫司机快快搞掂佢，她说：“我估系飞入嚟，我谂唔到佢哋咁大反应，因为司机哥哥有车其他Artist，我仲话好彩系我咋，换转其他人（吓）死咗，佢可能有事会畀人闹，我返到屋企谂到个场面都笑咗。”她笑言年纪愈大就由坚Lee变咗做坚姐。
