何雁诗晒最新孕照 上围“升Cup”劲丰满
艺人何雁诗与老公郑俊弘早前宣布造人成功，仲率先公布BB性别系男仔，当时佢哋都有晒最新合照，见何雁诗虽然已经见肚，但因为松身衫关系，孕肚未算太明显，呢日佢就喺社交网晒出最新孕照，见着上贴身衫嘅佢腹大便便，而且上围明显“升Cup”，相当丰满，但块面就未见水肿，依然Keep住靓样。
佢又晒出BB嘅超声波照，并以“小鸡髀”称呼BB：“望住照超声波见到嗰只鸡髀，畀啲信心自己，有时只鸡髀又会脚踢踢，又会安心啲，知道佢喺入面Ok。喺屋企花啲me time照顾自己，写吓歌，浸吓浴，敷吓Mask，又有啲二人世界，因为迟啲就要争取先有。煮吓饭，一齐睇吓电视，好好享受一下，希望一切顺利。”
