传“一蚊Joe”确诊 Patrick Sir无奈：担心都冇法
TVB多位艺员先后确诊，令电视城爆出疫荒，前日（28日）爆出包括视后胡定欣、冯盈盈与戴祖仪同告染疫，今日（2日）再爆出《东张西望》外景主持“一蚊Joe”游莨维及两名导演感染新冠肺炎嘅消息。
同为《东张》主持嘅吴幸美，接受东网访问时指唔清楚对方情况：“Joe情况我唔清楚。而我拍外景时，公司有畀足够防疫装备！我会戴高防囗罩、眼罩、手套、扎起头发，有需要时戴埋防疫帽。每次访问完都喷酒精消毒，公司都有畀快速检测包我哋开工前检测，做足防疫措施，努力防疫💪💪💪祝各位市民身体健康💪💪💪”
另一厂景主持林溥来（Patrick Sir）表示有听闻过消息，但并不确定：“担心都冇办法，因为我哋都冇得走，外景主持有时都要返公司度稿、配音嘅。”又指自己每日做快检，确保冇感染先会上班工作，并透露电视城很多同事都在家工作，成层配音楼层都冇晒人。至于《东张》另一主持梁敏巧则表示近两个星期冇同一蚊Joe同一日上班，自己亦每日上班前用公司提供嘅检测包做检测。
