OPM丨汤洛雯预告有激情戏 最想烧晒剧中低胸性感衫
汤洛雯（靓汤）、黄庭锋、张宝儿、孙慧雪等今日到电视城出席myTV SUPER 6周年原创剧《OPM》记者会，靓汤和庭锋曾在TVB《双生陌生人》中合作，男方演马德钟年轻版，而今次二人是男女主角，靓汤形容是新配搭，会有感情线，以暧昧及友情为主。
庭锋今次为剧集首次做男一，他直言感到压力，有剧本开始便紧张了半个月，也有很多情感戏大爆发。靓汤对于庭锋的演出大讚犀利，她说：「我知道佢係主持出身，所以喺记稿方面非常犀利，记对白嘅功力好劲，我对于金融主题係完全唔识，佢就由零开始教晓我，好似一本教科书，畀到好多信心同说服力。」庭锋笑言，本身对于金融题材同样一窍不通：「金融我一样完全唔识，监製话想搵一个唔识得金融嘅人，我係完全符合，同角色一样慢慢学，好似上咗一堂经济课。」
靓汤指今次要演妈妈，提到由靓女变师奶，她表示：「原本係大学生，点知同黄嘉乐曳曳做咗妈咪被逼结婚，后来想追返凑小朋友失去嘅时间，角色投入好多女性想法。（做妈咪难吗？）其实好少做妈咪嘅情节，不过演妈咪反而舒服，记金融术语好难。」
庭锋更透露靓汤与黄子恆在梳化上演激情戏，她闻言即表示不敢睇，问是否不敢让男友马国明睇？她笑说：「我自己都唔知场戏出嚟係点，我有提过有一场咁嘅戏，相信佢唔太在意，套剧都需要著低胸衫，我好怕会走光，因为要晒事业线，拍完都想烧晒啲衫！」
