郭晋安陪仔女行山命都冇 陈炜忙住为新居装修
艺人郭晋安（安仔）与陈炜今日为剧集《回归》进行拍摄，2人透露还有几日便煞科，由于剧集有一半戏份属年青人，故拍摄不算辛苦。
安仔表示拍毕后便可以认真休息，而子女就读国际学校，6月便开始放暑假，他说：“嚟紧6至8月佢哋好开心，因为人哋返学，佢哋已经放假，有好多地方可以去。我最近同佢哋行山，行咗2个几钟，佢哋好锺意，但就行到佢哋死死吓，我就连条命都冇。（太太有冇一齐去？）冇，佢读紧营养学硕士，9月就毕业。希望可以同佢去到毕业旅行，去澳门都好，如果澳门系第一个地方通关，我谂有一半人都去咗。”
他指原有美国登台工作，但当时因隔离时间太久而推却：“不过依家又变咗返港只要隔离7日，但我都推咗，唔会再接番。（损失好多？）大家都损失好多，我尤其系内地同美加巿场。”
至于陈炜表示完成该剧后，将要为电影开工，以及忙为新居装修，问到是否因结婚而装修？她说：“买咗楼就要装修，婚期暂时未有任何计划。（爸爸身后事处理成点？）差唔多。（你心情平复未？）我OK，有心。”
