做童星见惯大明星 锺柔美7年前拍剧旧片出土
获得《声梦传奇》季军嘅锺柔美（Yumi），依家走唱跳活力少女路线，其实早喺2015年已经参演唔同剧集，包括《收规华》饰演杨怡童年、《城寨英雄》同陈展鹏合作、《平安谷之诡谷传说》等亦有参演，15岁女就已经咁有事业心！
最近就有网友好有心机，将Yumi年纪轻轻就已经好丰富嘅演出经验中，翻炒佢5年前于TVB剧集《亲亲我好妈》嘅演出出嚟，并大赞佢好可爱，搞到唔少粉丝都秒变“妈粉”，好多网友仲话当时年仅10岁嘅Yumi，着起校服个样青涩乖巧，依家就愈嚟愈靓，真系女大十八变。
