曾比特坚决不换发型：想留到60岁！
歌手曾比特（Mike）最近凭热播综艺节目《声生不息》人气急升，连带他的爆炸头都红起来，成为他独有的Icon（标记），他说：“都开心，我本身都好锺意呢个头。”歌手经常转造型，但他未想过换发型，他说：“呢个头衬衫好方便，又易打理，嗰个方便程度令到我唔想换，因为电挛咗比较蓬松啲，瞓醒摷松咗就可以出街，我都想留到60岁，好似乐队Queen的Brian May，佢个头留到60岁都唔剪，希望我都可以。”
Mike表示自己个爆炸头是最佳打开话题的方法，因为大家对他个头好好奇，有好多问题，他说：“好易破冰，好似我之前拍MV同袁澧林倾偈，第一个话题就系倾呢个头，好快就开始咗好多话题。”
他跟人气男团MIRROR同是《全民造星》出身，在乐坛一片竞争中，他成功争一席位，他坦言上年是疯狂一年，好多新人涌现，乐坛有好多不同歌曲类型，非常好玩，他说：“MIRROR令大家留意乐坛嘅新人，呢样系好好，由《造星》到大家出道都隔咗一段时间，到大家喺乐坛相聚，个感觉几开心，（竞争唔大？）我唔想有太多竞争感觉，大家系朝住目标进发，咁长远如果用竞争心态，嗰件事可能会有损大家友情，我觉得系可以Friend好耐，一齐去努力。”
被形容为惨情歌手的Mike，其实本人比较乐观，他说：“我唔系好去谂负面嘅嘢，好少会有唔开心嘢包围住自己，因为我有好多谂法，我觉得船到桥头自然直，想件事OK就尽力去做，真系做唔到都唔好强迫自己，好多时勉强一啲嘢，你就会唔开心。”
