汤洛雯两年内结婚唔要世纪婚礼 狂赞马明有责任感又稳重
汤洛雯（靓汤）连续有3套剧播出，虽然《双生陌生人》反应未如理想要浓缩集数，但佢睇得好开，坦言「百货应百客」。对于工作，靓汤表现佛系，但讲到同马国明（马明）的感情，靓汤觉得外间嘅过度关注令佢好有压力，外间愈八卦佢就愈想低调，同时又大讚48岁的马明成熟稳重表现令她很安心，更强调跟马明已认定对方，亦有讨论过结婚，只係疫情打乱了计划。
靓汤在《双生》首度跟马神（马德钟）合作，她初时都被对方比较cool的形象吓到，但合作后即改观，「初头同佢合作有啲惊，今次识落发觉佢好锺意搞gag。」讲到马神气场劲，靓汤自夸应付有一手，「就算气场劲嗰啲，都会畀我搞散咗个气场，哈哈！」
汤爸爸教路变佛系
对于《双生》要由25集浓缩变20集，靓汤自认佛系好睇得开，「莫讲浓缩集数，就算收视未如理想都唔係好介意，我哋尽心尽力去拍，出到嚟有时真係百货应百客，唔係个个人锺意，但都有人会欣赏，见到有留言话『点解cut咗5集，我想睇呀』，所以有时唔能够用一样事去衡量。」
靓汤变「佛系汤」，跟入行10年及爸爸汤镇宗有关，「啱啱选完港姐，有啲角色好细，做妓女可能得两、三场，有啲唔係好想做，导演同监製好正面咁同我讲『好多人都係做呢啲做出嚟，因为要试你做唔做到唔同角色』，再加上爸爸成日都话『呢个世界一加一唔等于二，但係零加零就等于零，人人话你好，自己觉得有咁嘅条件、天份，唔一定事事畅旺，尤其係呢行』，我听完觉得一定要努力，其他嘢就畀个天去决定，所以形成到咁佛系，人生流流长，样样嘢都咁介意，个心咪要载好多嘢，咁咪唔使瞓觉！？」
有倾结婚冇讲出嚟
提到汤爸爸，早前跟汤镇业两兄弟开live时，向靓汤和马明催婚一事，靓汤笑指爸爸只是应网民要求，私底下从没催婚。对于外界不断追问婚事，靓汤坦承有压力，「每隔两、三个礼拜或者一个月，就会问我係咪结婚，又传买咗楼，又话结咗婚。」靓汤提到甚至有网民会留言话佢年纪唔细，仲唔生就生唔到。靓汤愈讲愈疑惑，「係咪一定要闪婚先叫做正常呢？马明性格比较稳重，佢唔会好容易做决定亦唔会衝动，係一个好有责任感嘅人，我都好欣赏佢呢样嘢，咁样先令我觉得佢对我係负责任，令我更安心。」
35岁的靓汤承认跟马明有认真计划过结婚，但因为疫情打乱了计划，「我哋有讨论过，但唔通我哋每一步讨论都同观众讲？」对于马明年纪唔细，所以大家都戥佢心急，问到会否两年内解决，靓汤坦承都希望做到，「疫情都有少少影响，之前有第5波，都係想稳定啲先，同埋我同佢都係嗰啲，不如就咁算，乜都唔好整啦！哈哈！但马明都係想储钱买楼，有个安乐窝先，?￥ﾮﾶ係入巿好时机，哈哈！」
靓汤梦想中婚礼不需要太隆重，「唔使世纪婚礼，唔使好大坛，但可以留到做回忆，我想同每一个嚟嘅人，真係有交流过，唔係唔记得佢有冇嚟，所以细细哋就够。」最后靓汤更作出甜爆呼吁，「总之我哋认定咗㗎嘞，结婚係迟早问题，希望大家唔好太心急。」
