专访｜马国明不介意台庆靠边站：收工走咗冇人知几开心 | 香港01
打工从来都是一门高深学问，太搏命同事排挤你，太hea老闆唔升你，在娱乐圈人事关係複杂，识做人比识做戏更为重要。
马国明99年入行，在TVB做了24年，曾夺视帝，主演剧集收视理想，亦准备同女神汤洛雯结婚，绝对是人生胜利组之一。
每个人成功方法不同，马明选择的是佛系，尤其台庆大合照企位，他说：“我真係冇乜所谓，企一个最唔显眼嘅位最好，越早走咗都冇人知。”记住马国明做到佛系式打工而成功，不代表你可以，星期一记住准时返工，同老闆大声讲早晨！
“性格佛系”对c位无衝劲只想收工回家
马国明入行24年，人生有一半时间贡献于演艺，全因热爱“演戏”，惟娱乐圈是一个大染缸，学懂“社交”极为重要，但马国明偏偏背道而行，如此“被动”的性格，在娱乐圈会好蚀底，但他却十分满足：“我好锺意呢个性格，因为喺呢个圈到反而烦少咗好多嘢，我少好多烦恼，我又唔会觉得少咗机会，我觉得几好彩啊喺呢个圈，有次同黎耀祥拍嘢，佢话其实一个演员一生有一个角色，令到观众记得你，已经係好幸运嘅一件事，况且我都唔止一个角色，所以我都知足。”
台庆大合照企位没有指标性
他认为：“有时太积极可能行出嚟会好乞人憎，太强求有时会乞人憎，一强求好多嘢就会斤斤计较。”他用台庆企C位作比喻：“有啲同事好介意，譬如我们每一年影大合照企边个位，其实我又真係冇乜所谓，我心谂企一个最唔显眼嘅我最好，越早走咗都冇人知，收工走咗都冇人知几开心，但有啲同事好介意，点解要介意呢？我觉得公司企位不能作准，唔应该比嗰个企位定咗你自己嘅价值，你知自己价值喺边度，咁企后啲又有乜所谓呢？”
他坦言或多或少受到前辈Benz雄（许绍雄）影响，以前拍戏Benz雄曾分享他的一套个人h看法，令他记忆犹新：“某程度上呢个性格我都係我同Benz拍戏嘅时候，佢都係有少少灌输左比我，佢话你做主角，一日做十几廿个访问，我拍完套戏拍拍“囉柚”走咗啦，我又唔使做访问几开心，做主角每次只可以拍一套，我做一个最强的绿叶，可能同时间拍四五套戏，收到嘅片酬可能差唔多，但佢又唔使做好多应酬嘅嘢，我又觉得几啱喎，喺我角度，我就觉得你个死老鬼都几识享受，好醒喎你睇得咁透！”
