林夏薇夺视后 点解又关陈妍希老公事？
TVB颁奖礼赛果寻晚（2日）揭盅，万众瞩目嘅视后宝座最终落喺“裸”你命三千嘅林夏薇身上，表演专业、凭《七公主》内“全裸”演出而首摘最佳女主角，上台致辞时表现激动。不过今次得奖，佢都唔系轻松过关，因有指钟嘉欣突回港逆袭，令视后之争充满变数，终由林夏薇以作品说话得奖，令佢喜出望外！
林夏薇台上表示自己2004年入读中央戏剧学院，由跑龙套到昨日拎奖，佢自嘲自己资质唔好用咗17年先成功，原来同佢系同学仔嘅陈妍希老公、内地小生陈晓，寻晚都即刻公开发文祝贺好知己：“中央戏剧学院2005级表演系一班的林夏薇同学，听说你拿视后了！”而早前《七公主》开播时，陈晓已引用林夏薇喺《十二传说》嘅对白帮手宣传。
不过今次陈晓发文，竟然惹嚟部分质疑赛果嘅网友恶意留言，不过陈晓都兵来将挡，多次同网友争论至凌晨12点几，包括留言“凭良心，高手打架，同学获奖，换你你也开心”、“不就是黑黑嘛，我也是粉丝啊”、“你可别闹了…我看的那会还没那麽多带节奏的呢”反指网友故意留言带风向，明显力撑多年死党，为旧同学网上出头！
