朱紫娆抗压抵易失眠 张彦博戥罗天宇攞奖开心
歌手朱紫娆、张彦博及旨呈等，晚上（4日）出席密室逃脱题材电影首映，朱紫娆表示喜欢相关题材，而且亦喜欢玩“密室逃出”游戏，她説：“玩过一次，但我系比较蠢嗰啲又紧张，通常都帮唔到手，猪队友就系我呢啲。”
她坦言自己性格向来过分紧张，抗压能力低，亦因此经常失眠：“以前工作多还好，疫情后工作减少，成日都会钻牛角尖觉得系咪自己问题呢，搞到自己好大压力。（结果点处理？）近排工作多番就好啲喇，我系一个锺意忙嘅人。”她指希望疫情尽快缓和，便会着手筹备音乐会。
张彦博近期正忙于与伍乐城合作做新歌，他说：“主题未定好，不过应该以抒情浪漫为主，要睇吓监制点编曲先。”对好友罗天宇获飞跃进步男艺员感高兴，认为对方努力多年绝对值得获奖：“其实可以坐喺台下做观众已经唔易，上台攞奖就更加难，睇住佢努力咗十几年，我哋‘跳跃F4’会同佢食餐饭庆祝。”
