劲歌金曲颁奖典礼

据香港东网报道：天后#容祖儿#（Joey）于2008年一曲《#跑步机上#》唱到街知巷闻，不但勇夺4台冠军歌，更于年度颁奖礼横扫各台歌曲奖项，甚至带挈佢首度登上《#劲歌金曲颁奖典礼#》“亚太区最受欢迎女歌星”宝座，气势如虹。向来身材弗爆嘅佢，近日积极做运动Keep弗，并于社交网大晒健身靓相，见佢喺Gym房内大玩楼梯机及跑步机，令粉丝即联想起《跑步机上》一曲，仲纷纷留言希望Joey一边跑步一边重唱该曲。而相中见佢跑到身水身汗面红红，加上相中佢以特效配上老虎头，唔知系咪想积极操弗迎接虎年呢？另外，@容祖儿 又晒出Gel甲相，佢亦特意换上老虎造型嘅指甲，相当有心思。