据香港东网报道：型男#张智霖#（Chilam）…

据香港东网报道：型男#张智霖#（Chilam）和#袁咏仪#（靓靓）又放闪！之前一杯来自老公的紫薯芋泥已令靓靓甜到漏，日前@袁咏仪靓靓 又喺社交网晒命再收到礼物，虽然唔系佢最爱嘅名牌包包，不过都令靓靓“甜到糖尿”。
到底乜嘢可以冧过收包包呢？见靓靓甫呢份礼物上网就知啦，佢仲留言话：“2022年的第一份礼物，被‘虎’住了！”原来佢收到一部最新嘅折机电话，呢部橙色面，卖相好Sharp嘅手机，重点唔系有几新款、价钱有几贵、市面上有几难抢，而系电话入面嗰幅有“老虎公仔”嘅Wallpaper。原来呢只老虎图有含意嘅，下面嗰3个小图案系“爱，老虎，油”，意思系“我爱你”。
哗！佢哋结咗婚成19年，老夫老妻都玩埋呢个咁sweet嘅嘢，教靓靓如何不爱他呢？除咗Wallpaper有爱，Chilam仲送埋电话绳，不过呢条电话绳唔系普通嘅电话绳，条金色链翘住条丝巾，感觉就好似一个迷你包包咁，靓靓直情可以将手机当包包咁拎住出街，一物二用，衬番爱包包的老婆。