相隔2个月返港即遇不幸事件！陈家乐爱车死火急Call拖车
艺人陈家乐与女友连诗雅（Shiga）早前分别北上开工两个月，继早前Shiga返港后，陈家乐近日亦紧接回港，前后脚回港团聚度新春。去年好运连连、又中六合彩又巧遇偶像周润发嘅家乐，踏入新一年却遭遇“不幸事件”，好运王惨变黑仔王！
呢日佢本来想揸车，但发现爱车死火，点都开唔郁，佢指：“架车两个月冇人掂过…佢依家唔比我掂…唔知系架车冇电，定我车Key冇电，唔想一返嚟就拖车”，但最终佢都冇晒办法，始终要出动拖车，爱车临被拖走前，佢仲好不舍咁表示：“冇事嘅，好快返嚟㗎啦，呢几日乖乖哋啦！”
