张兆辉狂晒17岁爱女Model照 祝愿梦想成真
艺人张兆辉育有一对仔女，作为廿四孝老窦嘅佢，特别偏爱17岁爱女张卓姿（Twiggy），Twiggy早前已经返回英国继续学业，张兆辉送机当日显得依依不舍，更眼泛泪光，唔通呢啲就系“前世情人”嘅威力？昨日（22日）张兆辉就喺社交网上载女儿手执相机嘅靓女相，17岁的Twiggy现正喺英国修读摄影，不过佢今次就唔系影人，系畀人影，Twiggy尽得爸妈真传，拥有标致甜美样貌，仲有均匀身形，张太曾经建议阿女读摄影必须先“学识畀人影”，所以Twiggy不时化身专业Model影靓相。
“女儿奴”的张兆辉留言话：“我的宝贝珠，人生是一场奇妙旅程，相信自己感觉，寻找自己喜爱的，对将来要信，沿途的邂逅、希望你的人生总是遇见美丽，希望你的梦想早日成真。#专业摄影师”。
